| 公司名稱 | 全港通渠 |
|---|---|
| 電話 | 91800213 |
| 發生日期 | 2024-10-30 |
| 原本報價 | 3000.00 |
| 最終收費 | 17000.00 |
| 詳情 | 我係大肚婆，因為廁所有臭味，搵左人黎整，一黎到用部儀器檢查話有氫氣，見我係大肚婆又話會影響胎兒，玩心理，開頭話用內窺鏡要加$3000，話裏面漏水，維修條渠佢就報價二萬蚊，講到高科技（有部納米機械人入去條渠裏面之類）然後我哋再同佢講價減到$17000。然後到維修嗰日有兩個師傅加埋圖中個兩個騙子，總共有四個人，全程只係嗰兩個師傅維修，本來只係維修洗手盆，無啦啦轉咗去整浴缸嗰條渠，我就問點解要整浴缸條渠，佢就話師傅檢查後有問題，所以就免費幫我哋整埋。感覺伏伏，整完當日，冇乜味，但之後隔咗一兩日就有味。再打返俾佢哋都唔聽電話，之後不停拖我哋日子，最後派咗一個無見過嘅人上嚟，敷衍了事，然後攞啲工業吹風機過嚟吹散啲味，問佢地拎返張單，然後玩失蹤。唔send返張單俾我好明顯身有屎。個金毛本身個樣都賊眉賊眼，起我屋企走來走去。 |
| 證據 | 查看附件 |