| 公司名稱 | 波記通渠 |
|---|---|
| 電話 | 54145506 |
| 發生日期 | 2026-01-11 |
| 原本報價 | 1500.00 |
| 最終收費 | 5000.00 |
| 詳情 |
2個師傅(一肥一瘦)上嚟之前講話$680/$最多都係$1500盡量幫你喺屋裏面搞掂,點知上到通咗一陣，就話我條渠好塞搞唔到一定要外面通，外面通就要幾千蚊(一開價就$7500治標，95就幫你治本) 過程中又不斷畀其他人哋個案照片畀我睇話人哋d渠點樣塞得好嚴重，令到我開始擔心，見我猶豫考慮緊肯唔肯做嘅時候，個肥嘅師傅又立刻拎畀人哋公司d師傅嘅相畀我睇,話人哋嗰啲師傅手勢點樣唔好，點樣氹人哋畀多啲錢，話人哋係黑店（最搞笑佢拎啲資訊畀我睇係2016年架，搵資料都搵啲update啲啦）,最後我講價講到$5000(又話包通出面嘅渠，同埋換咗出面嘅渠喉,最後淨係幫我通渠，冇換到喉）跟住喺出面又講你出面d喉裂咗漏水，又慫恿我要$1000幫我換咗佢，我心裏感覺好似被催逼，焗住要你整早咁，所以我都開始有啲怒氣對佢地，而個肥師傅d態度開始超差，唔做就算,我哋只係負責通渠，唔會幫你換嘢架.... 我心諗，咁你又慫恿我加$1000換外牆出面嘅喉！！ 最後兩個師傅帶著超唔好嘅態度離開。事後我上網睇資料，先至發現原來佢哋兩個先至係真正嘅黑店！！！ 大家千祈唔好幫襯佢哋，服務態度超級差，人品又差，又唔專業，簡直不知所謂。 |